5 մատի պես ճանաչել մեդիան
Արի՛ ճանաչենք մեդիան միասին․ այսօր և այստեղ այդ հմտություններն անհրաժեշտություն են, եթե ոչ պարտադիր պայման թվային միջավայրում անվնաս և անվտանգ նավարկելու և մեդիայի ընձեռած ուսանելի հնարավորություններից օգտվելու համար։
Մեդիա նախաձեռնությունների կենտրոնն առաջարկում է անցնել առցանց դասընթացի 5 դասերը, որտեղ մեկտեղել ենք թվային միջավայրի, տեղեկատվական դաշտի նոր մարտահրավերների ու մեդիագրագիտության հմտությունների զարգացման թեմա-գործիքներ, որոնք կօգնեն համալրել ձեր գիտելիքների բազան։
Բացի՛ր ձեռքդ, արի՛ սկսենք հաշվարկը, յուրաքանչյուր թեմայից հետո, երբ վստահ լինես, որ յուրացրել ես այն, փակիր մի մատդ․․․ ու երբ արդեն բռունցք ունենաս, ասա՝ ես ճանաչեցի մեդիան 5 մատիս պես։
Դասընթացը մշակել է Մեդիա նախաձեռնությունների կենտրոնը՝ «Երիտասարդները գործելիս. Հայաստանում երիտասարդների զորեղացման և առաջնորդության խթանման» ծրագրի շրջանակում։ Այն Եվրոպական միության և Կոնրադ Ադենաուեր հիմնադրամի կողմից ֆինանսավորվող նախաձեռնություն է, որն իրականացվում է Վորլդ Վիժն Հայաստանի, Մեդիա նախաձեռնությունների կենտրոնի և Գյումրու «Երիտասարդական նախաձեռնությունների կենտրոն»–ի հետ համատեղ:
Դասընթացը հնարավոր է դարձել Ամերիկայի ժողովրդի առատաձեռն աջակցությամբ՝ ԱՄՆ Միջազգային զարգացման գործակալության (ԱՄՆ ՄԶԳ) միջոցով: