2. Թվային ինքնություն

Սոցիալական մեդիայի հաշիվներ. Facebook-ը, X-ը, Instagram-ը, LinkedIn-ը, YouTube-ը, TikTok-ը, Google-ը կարևոր դեր են խաղում մեր թվային ինքնության ձևավորման գործում: Այս հարթակներում մենք կիսվում ենք թարմացումներով, լուսանկարներով և հաղորդակցվում ուրիշների հետ։ Այս գործողությունների ամբողջությունը ձևավորում է թվային կերպարը:

Առցանց վարքագիծ. Փոխազդեցությունները և հաղորդակցությունը, հրապարակած և տարածած բովանդակությունը, թվային վարքն ընդհանրապես, ձևավորում են ինքնության մասին դրական կամ բացասական պատկերացումներ, արտացոլում մեր անհատականությունը, արժեքները և հետաքրքրությունները:

Առցանց բովանդակություն. Բլոգային գրառումները, հանրագրերը, հոդվածները, տեսանյութերը ևս թվային ինքնության մաս են։ Մենք ցուցադրում ենք մեր կարողությունները, փորձը, ստեղծագործական ունակությունները։ Դրանք շատ բան կարող են պատմել մեր մասին։