3․ Առցանցն ընդդեմ անցանցի

Թվային դարաշրջանում անհատները հաճախ նավարկում են երկու տարբեր՝ իրական և վիրտուալ աշխարհներում.

Անցանց ինքնություն. մեր ամենօրյա, կենցաղային, մասնագիտական, սոցիալական և մշակութային գործողությունների համալիրը, մեր կայացրած որոշումներն ու առաքելությունը։

Առցանց ինքնություն. ձևը և բովանդակությունը, որով ներկայանում ենք սոցիալական հարթակներում և մեդիայում: Այստեղ ընկալվում ենք մեր առցանց հետաքրքրություններին և արժեքներին համապատասխան։

Ուսումնասիրենք այս երկուսի փոխազդեցությունն ու մարտահրավերները։

Ներդաշնակում. որոշ անհատներ հեշտությամբ ինտեգրում են իրենց անցանց ինքնությունը թվային տիրույթ և արդյունավետ ներկայանում:

Կոնֆլիկտ. ներդաշնակությանը հակառակ, որոշ օգտատերեր ստեղծում են ներքին հակադրություն իրենց եսի և առցանց ներկայության միջև։ Պատճառները կարող են լինել մարդու հոգեկերտվածքը, հասարակական կարծիքն ու թելադրանքը։ Շատերը նախընտրում են առցանց միջավայրում երևալ ավելի լավը, նույնիսկ իդեալական, և սա հասկանալի է։ Նման հակասությունները երբեմն հանգեցնում են անձի ինքնարտահայտման ճգնաժամի և երկվության։

Հեղինակության/համբավի և իսկության/նույնականության տեսանկյունից շատ կարևոր է ներդաշնակումը։ Մեր գործողությունների պատասխանատվությունը նպաստում է դրական համբավ ունենալուն։ Նույնականությունը վստահություն է ներշնչում և խթանում իրական, կայուն կապերի և շփումների ստեղծումը։