4. Ինքնություն և տեխնոլոգիաներ

Թվային աշխարհում տեխնոլոգիաները խորապես միահյուսված են ինքնության ձևավորման հետ:

Թվային գրագիտությունը ներառում է բոլոր անհրաժեշտ հմտություններն ու գիտելիքները, գործիքներ օգտագործելու, տեղեկատվությունը քննադատաբար գնահատելու և հաղորդակցվելու կարողությունները: Համակարգիչը, խելացի հեռախոսը, պլանշետը, խելացի ժամացույցը, հեռուստացույցը, հավելվածները ընձեռում են բազմաթիվ հնարավորություններ. վիզուալիզացիա, բաց աղբյուրների բազաներ, էլեկտրոնային փոստեր, զրուցարաններ, համակարգչային ծրագրեր։

Կախված կիրառվող տեխնոլոգիայից՝ տարբեր են ինքնության ձևավորման և ներկայացման մոտեցումները։ Օրինակ, մենք Instagram-ում կարող ենք հրապարակել ժամանցային լուսանկարներ, տարբեր հետաքրքրությունների ֆոտո և վիդեո բովանդակություն, Linkedin-ում ՝ աշխատանքային և մասնագիտական տեղեկատվություն, X-ում ՝ բարձրաձայնել քաղաքական և սոցիալական խնդիրներ։ Կարևոր է ընդգծել, որ երբեմն տեխնոլոգիաներն են թելադրում թվային բնիկների վարքագիծը, ոչ թե՝ հակառակը։ Ինքնությունը և տեխնոլոգիաները հատման մի քանի կետեր ունեն.

Թվային գրագիտության հմտություններ. պահպանել արդյունավետ առցանց հաղորդակցություն, ունենալ քննադատական մտածելակերպ, պաշտպանել անձնական կյանքն ու տվյալները հանրայնացումից։

Տեխնոլոգիաների հասանելիություն և ընտրություն. հասանելի գործիքները և հարթակները չեն կարող հավասարապես կիրառվել կյանքում, կենցաղում և աշխատանքում։ Մեր վարքագիծը չի կարող նույնական լինել բոլոր դեպքերի համար, բոլոր միջավայրերում։ Անհրաժեշտ է փնտրել և գտնել այնպիսի գործիքներ, որոնք ճիշտ կարտահայտեն ինքնությունը, կօգնեն գտնել համախոհներ, ինքնաբացահայտումներ անել