7. Ինքնանկար և կերպար

Թվային բնիկները հաճախ օգտագործում են առցանց հարթակներ՝ իրենց բնորոշ կերպարները ստեղծելու համար:

Էսթետիկ ու գրավիչ մեր կերպարն առցանց աշխարհում կարող է դրական դեր խաղալ նաև անցանց միջավայրում։ Համառոտ սա կարելի է անվանել բրենդինգ, որտեղ կարևոր են մանրամասները՝

▶ մեր ստեղծած բովանդակությունը, որով ճանաչելի ենք դառնում,

▶ մեր առցանց ու անցանց միջավայրերը միմյանց կապող պատկերները,

▶ ցանկալի կերպարը, որին մարդիկ կհետևեն,

▶ համայնքները, որոնց անդամ ենք, և համախոհները։

Ինչքան էլ կարևոր և արժեքավոր լինի բովանդակությունը, առաջնահերթ է դրա փաթեթավորումը։ Եվ ճիշտ հակառակը՝ եթե բովանդակությունը այնքան էլ արժեքավոր չէ, սակայն այն մատուցվում է լսարանին հետաքրքրող մոտեցումներով, իր շուրջը կարողանում է հավաքել անհատների և ձևավորել համայնքներ։ Լավ է սա, թե վատ, այլ հարց է։ Բայց այն ունի ազդեցություն, նշանակալի է և աշխատող։