3. Ազդեցության խմբեր՝ ըստ լսարանի
ԱԶԴԵՑՈՒԹՅԱՆ
ԽՄԲԵՐ՝
ԸՍՏ
ԼՍԱՐԱՆԻ
Մենք արդեն ինֆլուենսերներին բաժանեցինք խմբերի՝ ըստ իրենց գործունեության ոլորտի։ Բայց նրանք նաև դասակարգվում են՝ ըստ հետևորդների թվի, լսարանի ներգրավվածության և մի քանի այլ չափանիշների։
Մակրոինֆլուենսերներ
Նրանք ունեն 100.000 և ավել հետևորդներ։ Նրանց կարծիքը կարող է ուժեղ ներգործել լսարանի վրա: Հաճախ համագործակցում են խոշոր ընկերությունների հետ, ազդում են սպառողների որոշումների վրա:
Հայաստանում մակրոինֆլուենսերները հիմնականում հեռուստատեսային աստղերն են, որոնք սոցիալական հարթակներում` շնորհիվ իրենց հեռուստատեսային կարիերայի, հավաքել են հետևոդների մեծ «բանակ», ինչպես օրինակ, Գարիկ Պապոյանը (@garikpapoyan), Մկրտիչ Արզումանյանը (@mkrtich. arzumanyan)։
Միկրոինֆլուենսերներ
Նրանք ունեն 10-ից 100.000 հետևորդներ։ Չնայած լսարանն ավելի փոքր է, բայց նրանց հանդեպ վստահությունը երբեմն կարող է ավելի մեծ լինել։ Առաջարկները կարող են ավելի անձնավորված լինել, ավելի լավ ազդել։
Հայաստանյան վիրտուալ սոցիալական հարթակը հիմնականում միկրոինֆլուենսերներինն է՝ Անի Արզումանյան (@anii.arzumanyan) Ռաֆիկ Համբարձումյան (@haydalek), Նահապետ Արշակյան (@nahapetarshakyan), Նելլի Վահանյան (@nellieme)։
Նանոինֆլուենսերներ
Մինչև 5.000 հետևորդներ ունեցողներ։ Նրանց կարծիքներն ու առաջարկությունները կարող են առանցքային լինել կոնկրետ թեմայով հետաքրքրված լսարանի համար: «Նեղ մասնագիտական» ինֆլուենսերները սովորաբար ունեն ավելի նվիրված և ներգրավված լսարան: Նանոինֆլուենսերների օրինակ է Գագիկ Սմբատյանը (@gio_evn)։
Աշխարհահռչակ շատ ընկերություններ ինֆլուենսերների հետ աշխատանքը չեն սահմանափակում միայն մակրոինֆլուենսերներով։ Օրինակ, Adidas ընկերությունն արդեն սկսել է ակտիվ համագործակցություն միկրոինֆլուենսերների հետ։ Ըստ Adidas-ի ուսումնասիրությունների՝ միկրոինֆլուենսերներն ավելի մեծ հետաքրքրություն են առաջացնում իրենց լսարանում։
Եվ մի «բայց»...
Կարելի է հիմա հետևություն անել. գուցե պետք չէ՞ ձգտել մեծ թվով հետևորդների, այլ պարզապես սիրելի թեման կամ գործը շարունակել նվիրված, բայց փոքր լսարանի հետ և հասնել ցանկալի արդյունքի։