5. Գովազդի տեսակներ
ԳՈՎԱԶԴԻ
ՏԵՍԱԿՆԵՐ
Ինֆլուենսերները և ապրանքանիշները պետք է տեղյակ լինեն իրավական և էթիկական նորմերին՝ վատ հետևանքներից խուսափելու և իրենց լսարանի հետ երկարաժամկետ և արդյունավետ հարաբերություններ պահպանելու համար:
Ինֆլուենսերների գովազդների հիմնական տեսակներն են՝
Ուղիղ գովազդ
Ինֆլուենսերը գովազդում է ապրանքը՝ խոսելով միայն դրա մասին, բավարարվում ապրանքը ցույց տալով կամ ծառայությունը նշելով։
Անդրադարձ. review
Ինֆլուենսերը գովազդում է ապրանքն իր սեփական փորձով՝ կիրառելով, փորձելով, ցույց տալով առավելություններն ու թերությունները։
Փաթեթի բացում. unboxing
Ապրանքը տուփից հանելու գործողությունը, պարունակությունը, ընդհանուր տեսքը։
ԻՆֆլուենսերը վերցնում է բրենդի արտադրանքը, նկարագրում տուփի տեսքը, այնուհետև բացում տուփը քայլ առ քայլ մինչև հիմնական արտադրանքին հասնելը, սկսում է մանրամասն ներկայացնել ապրանքը։
Այս ոլորտի ամենահայտնի բլոգեր/ինֆլուենսերներից է Unbox Therapy-ին, որը հիմանականումզբաղվումէգաջեթների, սմարթֆոններիևայլսարքավորումների unboxing-ով:
Աշխարհի հեղինակավոր բրենդները` Apple, Sony, Samsung, One Plus, իրենց ապրանքների առաջնային unbox հոլովակները վստահում են Unbox Therapy-ին: Այդպիսի ինֆլուենսեր է նաև ռուս բլոգեր Wylsacom-ը:
Խաղարկություն. Giveaway
Giveaway գովազդում խաղարկվում ու բաժանվում են նվերներ, որոնք հիմնականում տրամադրվում են հովանավորի կողմից։ Խաղարկության ընդունված տեսակ-ներն են՝ հրապարակման հավանումները, story-ի տեղադրումն ու նշումները։ Նման խաղարկությունները ակտիվացնում են ինֆլուենսերի էջի ներգրավվածությունը և խթանում կապը հետևորդների հետ։
Ամբասադոր. Ambassador
Այս դեպքում ինֆլուենսերի գործունեությունն ու կերպարը կապվում են ապրանքանիշի հետ։ Ապրանքանիշն ինֆլուենսերին ներգրավում է իր գովազդներում։