7. Ինֆլուենսեր մարքեթինգ
ԻՆՖԼՈՒԵՆՍԵՐ
ՄԱՐՔԵԹԻՆԳ
Ըստ Statusbrew-ի՝ սոցիալական մեդիայում ինֆլուենսերների թվի զգալի աճ կա։ Դա տեսանելի է նաև հայաստանյան բիզնես միջավայրում։ Տարբեր մասնագիտական շրջանակում ձևավորվում են կարծիքի առաջնորդներ։ Եթե ձեր բիզնես ոլորտում գտնեք կարծիքի առաջնորդներ և ճիշտ աշխատեք նրանց հետ, ապա կկարողանաք իրականացնել արդյունավետ ինֆլուենսեր մարքեթինգ:
Statusbrew-ը բոլոր սոցիալական ցանցերում հրապարակումների, համայնքների կառավարման և ապրանքանիշների մոնիտորինգի ծառայություն է, որը օգտագործում է մեկ ինտերֆեյս: Statusbrew-ն օգնում է.
▶ կիսվել բովանդակությամբ,
▶ պլանավորել հրապարակումները մեկ վայրից,
▶ գտնել նոր հետևորդներ,
▶ զտել բոտերը և ոչ ակտիվ օգտատերերին,
▶ ստեղծել և կառավարել հրապարակումների ժամանակացույցերը,
▶ ստեղծել մարքեթինգային պլան Instagram-ի համար,
▶ հրապարակելուց առաջ դիտել գրառումները:
Կիսվե՛ք ցանկացած խորհրդով, եթե նույնիսկ այդ ոլորտի մասնագետ չեք. կիսվե՛ք անձնական փորձից ելնելով. նորաձևություն, խոհարարություն, ժամանակի կառավարում, շահավետ գնումներ կամ ցանկացած այլ թեմա, որից տեղյակ եք:
Սոցհարթակներում մարդիկ ցանկանում են զվարճանալ, իսկ մարտահրավերներն (չելենջներ) ու թրենդները նրանց դրական հույզեր հաղորդելու հրաշալի տարբերակ են:
Կարծիք արտահայտե՛ք, թողե՛ք սթիքեր։ Instagram-ի Story բաժնում գտնվող սթիքերը հետևորդին հնարավորություն են տալիս պատասխան կամ կարծիք գրել տվյալ պատուհանում: Խրախուսե՛ք, որ մարդիկ դիմեն ձեզ իրենց հուզող հարցերով, պատասխանեք նրանց տեքստով կամ տեսանյութով։ Եվ այս ընթացքում միշտ հիշե՛ք նկարահանման կանոնների մասին։