3.2 Հեղինակությունների վկայակոչում
Հեղինակությունների
վկայակոչում
2009-2014 թթ.-ին վեց քիթ-կոկորդ-ականջաբաններ վարձատրվել են Ֆիլիպ Մորիս և Լորիլարդ ծխախո- տային ընկերություններից՝ որպես փորձագետներ։
Նրանք պետք է ապացուցեին, որ օրինակ՝ աղի ձուկը, բերանի խոռոչի լվացման միջոցներն ավելի մեծ հավանականությամբ կարող են հարուցել գլխի և պարանոցի քաղցկեղ, քան տարիներ շարունակ ծխելը: Նրանք կարողացան ծխախոտ արտադրող ընկերություններին արդարացնել ավելի քան հիսուն դատական գործընթացներում։ Հետագայում, բժիշկներից մեկն ասաց, որ իրեն վճարել են 100,000 դոլար մեկ գործով ցուցմունք տալու համար: Մյուսը խոստովանեց, որ իր կարծիքը գրել են ծխախոտային ընկերության իրավաբանները։
Ո ՞րն էր նպատակը
Մանիպուլացնելու տրամաբանական մոլորություններից մեկն այն է, որ մարդիկ ակնածանքով և կույր հավատով են վերաբերվում իշխանություններին, հեղինակություններին և հայտնիներին։ Նաև հիշատակում են «գիտակ» մարդկանց՝ որևէ տեսակետ պաշտպանելու ժամանակ՝ անտեսելով այն փաստը, որ հայտնի լինելը ոչ միշտ է կապված գիտելիքի և իմացության հետ։
Ինչպես խուսափել
Մոտեցումներից մեկը հեղինակություններին կուրորեն չվստահելն է: Ճիշտ է՝ մենք չենք կարող ամեն ինչի մասնագետ լինել, բայց լավ կլինի հեղինակություններին վստահելուց առաջ ինքներս տեղեկություններ փնտրենք և հասկանանք վերջիններիս ներգրավվածության շարժառիթներն ու նպատակները։