1. Ովքեր են թվային բնիկները
Ովքե՞ր են թվային
բնիկները
Ըստ «Statista» գլոբալ տվյալների և վիճակագրությունների հարթակի՝ 2023 թ.-ի հուլիսին աշխարհում ինտերնետի և սոցիալական մեդիայի օգտատերերը շուրջ 5,2 միլիարդ1 են՝ աշխարհի շուրջ 8 միլիարդ բնակչության 65%-ը։ Այս «թվային բնիկների» ինքնության ձևավորման առանձնահատկությունները, նրանց առցանց և անցանց կյանքը մշտական ուսումնասիրության առարկա է՝ մեդիայի սպառման տեսանկյունից:
Տեղեկատվության և տեխնոլոգիաների դարաշրջանում մեր առցանց կերպարը նույնքան կարևոր է, որքան ֆիզիկական եսը: «Թվային բնիկներն» անհատներ են, որոնք մեծացել են մի աշխարհում, որտեղ համացանցը, հավելվածներն ու սարքերն առօրյա կյանքի անբաժանելի մաս են: Թվային բնիկների ինքնության ձևավորումը բազմակողմ ճանապարհորդություն է, որի վրա ազդում են սոցիալական ցանցերն ու մեդիան, մշակութային ծագումը, տեխնոլոգիաների անընդհատ զարգացող միջավայրը:
Ուրեմն, ո՞րն է թվային բնիկների աշխարհը և ու՞ր է տանում թվային ինքնության ձևավորման ու զարգացման ճանապարհը: