2.1 Թվային ինքնության կարևորությունը
Թվային ինքնության
կարևորությունը
Արագ փոփոխվող աշխարհում հասարակական և պետական համակարգերն ու ծառայությունները թվայնացվում են, օրինակ՝ առողջապահությունը, ֆինանսաբանկային համակարգը։ Կարևոր է, թե որքանով ենք մենք ներկայացված այս համատեքստում։ Մենք պետք է հաշվի առնենք իրականությունը և փաստերը, գնահատենք զարգացման հեռանկարները, պատրաստ լինենք փոփոխությունների։
Անձնական բրենդինգ. Անհատներն էլ կարող են ընկերությունների նման ստեղծել իրենց բրենդը՝ ապրանքանիշը։ Շատերս գիտենք սոցիալական մեդիայում հանրային հեղինակություն վայելող և արժեքներ տարածող մարդկանց, որոնց ընդունված է ասել ինֆլուենսեր։ Նրանք, ի համեմատություն որոշ կազմակերպությունների, շատ ավելի լայն լսարան և ազդեցություն ունեն կարծիքի, ճաշակի և հայացքների ձևավորման հարցում։
Առցանց հեղինակություն. Մեր անձնական և մասնագիտական հարաբերություններից են կախված, թե ինչպես են մարդիկ ճանաչում մեզ: Ի վերջո, անծանոթներն առաջին տպավորությունը կարող են ստանալ հենց մեր առցանց ներկայությունից։ Իսկ դա հեղինակություն է նաև իրական կյանքում, որն ինտեգրված է թվային աշխարհին։
Թվային գրագիտություն. Թվային ինքնությունը հասկանալն ու կառավարելը հնարավորություն է տալիս անվտանգ և արդյունավետ նավարկել թվային խորխորատներում։ Եթե պատշաճ վերաբերվենք դրան, կհաջողենք՝ դասակարգելով նպատակները, խնդիրները, գործողությունները։
Ինքնության արտահայտում. Ցանկացած գործողություն, որը միտված է ինքնությունը թաքցնելուն, կեղծելուն և մանիպուլացնելուն կարող է բերել ինքնության ճանաչման և տարբերակման ճգնաժամի։ Մենք կսկսենք հարմարվել մեր հորինած թվային եսին՝ մոռանալով իրականը։